Almaniyanın “Almaniya üçün Alternativ Partiyası” (AfD) seçki proqramında Ukraynanın neytral dövlət statusuna malik olmasını təklif edir.
“RİA Novosti”nin məlumatına görə, partiyanın proqramında Ukraynanın gələcəyinin NATO və Avropa İttifaqından kənarda, neytral bir dövlət olaraq qurulması təklif olunur.
Daha əvvəl köşə yazarı Daniel Depetris Ukraynanın neytral mövqe tutmasını və Şimali Atlantika Alyansına üzv olmağa çalışmamasını vurğulamış, bunu ölkə üçün ən böyük fayda olaraq qiymətləndirmişdi. Eyni zamanda, Slovakiyanın baş naziri Robert Fitso, Ukraynanın neytral bir ölkə olaraq qalmasının və təhlükəsizlik zəmanəti almasının ən yaxşı seçim olacağına inanır.
