Bu gün – 3 may 2025-ci il tarixində, tanınmış siyasətçi, yazıçı və rejissor Sırrı Süreyya Önder 62 yaşında vəfat edib.
Önder, 15 aprel 2025-ci ildə İstanbulun Şişli rayonundakı evində qəfil halının pisləşməsi səbəbilə Florence Nightingale Xəstəxanasına yerləşdirilmişdi. Burada ona aort diseksiyası diaqnozu qoyulmuş və təcili olaraq Bentall əməliyyatı (aorta qapağının və çıxan aortun dəyişdirilməsi) ilə yanaşı bir damar bypass əməliyyatı həyata keçirilmişdi. Əməliyyatdan sonra 18 gün ərzində reanimasiya şöbəsində müalicə alan Önder, bu gün saat 16:10-da çoxlu orqan çatışmazlığı səbəbilə həyatını itirib
Sırrı Süreyya Önder, DEM Partiyasının İstanbul millət vəkili və TBMM sədr müavini vəzifələrini icra edirdi. O, həmçinin İmralı görüşmələri çərçivəsində partiyasını təmsil edən heyətin üzvü olmuş və Türkiyədə sülh prosesinə verdiyi töhfələrlə tanınmışdı.
Önderin vəfatı siyasi və ictimai dairələrdə dərin hüznlə qarşılanıb. MHP lideri Devlet Bahçeli, AK Parti sözçüsü Ömer Çelik, TBMM sədri Numan Kurtulmuş və bir çox digər siyasi fiqurlar onun barışçıl və uzlaşmacı mövqeyini vurğulayaraq başsağlığı mesajları yayımlayıblar
Cənazə mərasimi 4 may 2025-ci il tarixində saat 11:00-da Atatürk Kültür Mərkəzində keçiriləcək. Daha sonra isə Leventdəki Barbaros Hayrettin Paşa Camiində qılınacaq cənazə namazından sonra Zincirlikuyu Qəbiristanlığında dəfn olunacaq
Allah rəhmət eləsin.
